Eva - Okkar stíll

Við litum inn í Evu á Laugavegi 91 og fengum Fríðu verslunarstjóra og Auði starfsmann til að sýna okkur uppáhaldsfötin sín.

Fríða segir stíl sinn einkennast af þægilegum og sígildum fötum og Auður er á sama máli. "Þetta er bara svona klassískur Evu stíll myndi ég segja" segir Fríða og hlær.

Aðspurðar hvað sé efst á óskalistanum fyrir sumarið nefnir Fríða opna bandaskó, stuttbuxur og sætan sumarjakka, Auði langar í sandala, leggings og sætan kjól ef til vill flottan skyrtukjól.

Fríða telur að breskur sveitastíll verði áberandi þegar líða fer á haustið Auður tekur undir og segir að með haustinu verði mikið um þykkar peysur, blazer jakka og skinn.