Rokkuð skótíska

Rihanna í Balmain skóm Skótíska vetrarins verður með mun grófari hætti en undanfarin ár. Áhrif frá pönki, rokki og hermannastíl gætir í stígvélum meðan að ökklaskórnir og hælaskórnir eru fágaðri.

Það nýjasta í stígvélatískunni er að stígvélin í vetur eru mun hærri en áður og ná alveg upp að læri eða við hné. Einnig er mikið um svokallaða “studs” eða gadda, sem hafa verið gríðarlega vinsælir í allri tísku að undanförnu, bæði á stígvélum og á ökklaskóm. “Stígvélin eru grófari, það er meira rokk í gangi”. Segir Lára Jóna Ingadóttir rekstrarstjóri skódeildar N.T.C. Stígvél með spennum, úr grófari leðri verða á boðstólum í vetur og einnig hermannklossar frá Dr. Martins sem er afturhvarf í pönkið. “Þetta er nákvæmlega sama og var í gangi þegar pönkið var. Þannig að pönkið er að koma aftur en í fágaðri útfærslu” .

Í ökklaskóm er mikið um “studs” og keðjur á mjög dömulegum skóm sem eru reimaðir með hæl í Ballmain stíl. En hönnuðurinn Ballmain hannaði kristalsskreytta sandala sem söngkonan Rihanna hefur meðal annars klæðst og síðan þá hafa vinsældir “studs” á skóm aukist til muna. Hælaskórnir eru í algeri andstæðu við allt þetta grófa sem er í stígvélunum. Mun hærri hælar en áður hafa verið á mjög fáguðum skóm.

“Tískan í vetur er afslöppuð og hentar íslensku veðri vel” segir Lára að lokum.

Allir skórnir í fréttinni fást í GS Skór, Kringlunni, Smáralind og Laugavegi.