Óli Dóri 2.11.2009 Tískuumfjöllun

Þykkar herrapeysur áberandi

Gollur, sem hafa notið mikilla vinsælda síðustu ár, eru enn mjög áberandi þegar herratískan er skoðuð þennan veturinn og hægt að fá þær í Galleri Sautján, Retro og Urban í allskyns útfærslum.  Þær fást bæði  hefðbundnar og tvíhnepptar og  er mikið um að þær séu þykkar og hlýjar. Gollur frá Diesel er hægt að fá í svörtum, rauðum og bláum lit og frá Solid er hægt að fá gollur í fjólubláum, rauðum, dökkgráum, ljósgráum og svörtum lit. “Flestir hafa einhvern tímann átt svarta gollu” segir Sindri Snær Jensson verslunarstjóri í Galleri Sautján í Kringlunni. “Nú eru menn farnir að prufa sig áfram í öðrum litum eða einhverju öðruvísi eins og þykkum og hlýjum peysum”.

Diesel - 17.990		Ambrose & Jackson -  12.990

Þykkar og hlýjar peysur með stórum tölum og öðrum skemmtilegum smáatriðum eru algengar í ár. Bæði Diesel og Solid bjóða upp á slíkar peysur í línum sínum sem fást í verslunum Galleri Sautján, Retro og Urban. Einnig er mikið um hefðbundnar v-hálsmáls peysur og einlitar peysur sem henta öllum vel. Grár litur er áberandi í peysum þennan veturinn og er hann í mismunandi tilbrigðum. Mikið er um dökkgráan og ljósgráan lit og einnig er mikið um “Navy” gráan í peysum. “Grátt er dálítið að koma í staðinn fyrir svarta litinn sem hefur oftast hefur verið algengastur” segir Sindri.  Algengustu efnin eru bómull í gollunum, með smá teygju í sem gerir flíkina mjög létta, en  þykkri peysurnar eru oftast  samsettar úr  ull og akríl.

Solid - 8.990		Solid - 14.990
Solid - 12.990		Solid - 8.990