Skilmálar

 

Neðangreindir skilmálar gilda fyrir vefverslun NTC ehf . Vinsamlegast kynntu þér þá vandlega áður en þú pantar vörur á www.ntc.is

NTC verslanir eru reknar af  NTC. 531076-0289 rekur www.ntc.is og 15 verslanir á höfuðborgarsvæðinu. Skrifstofa NTC er staðsett í Kringlunni, 4-12, 103 Reykjavík. Virðisaukaskattsnúmer 11978. Símanúmer er +354-512-1700, fax er +354-512-1725. Ef þú hefur einhverjar ábendingar um vefverslun eða verslanir NTC biðjum við þig um að senda okkur tölvupóst á online@ntc.is.

Sért þú undir 16 ára aldri viljum við vekja athygli þína á að nauðsynlegt er að þú og forráðamenn þínir kynnið ykkur reglur NTC áður en þú skráir þig inn á síðuna. 

NTC ehf áskilur sér rétt til að breyta reglum og skilmálum án fyrirvara. Öll verð á síðunni eru birt með fyrirvara um prentvillur.

Flutningsmöguleikar

Við hjá NTC bjóðum upp á 2 valmöguleika á sendingum.

1. Við sendum þér vöruna í pósti í gegnum stærsta póstþjónustukerfi landsins,  Íslandspóstur (postur.is) þar sem þú getur nálgast pakkann á næsta pósthúsi (Athugið að á mörgum stöðum úti á landi er pakkanum keyrt beint heim þar sem pósthús er ekki nálægt). Sé pantað fyrir kl 13:00 á virkum degi mun pöntunin berast á pósthús næsta virka dag. Pantanir sem berast um helgi munu fara frá okkur næsta virka dag. Taka skal fram að einungis er hægt að panta innanlands sem stendur.

Sé pantað fyrir 10.000 kr eða meira er póstsendingsending frí annars bætist 995 kr póstburðagjald ofan á heildarpöntun þína.

2. Þú getur valið „smella & sækja“ og þá getur þú nálgast pöntunina þína eftir 24 tíma gegn framvísun tölvupósti með staðfestingu á pöntuninni í Galleri 17, Kringlunni eða Smáralind.  

Við hjá NTC leggjum metnað í að varan berist til þín í fullkomnu ásigkomulagi. Þess vegna ábyrgjumst við vandaða pökkun og frágang vörunnar áður en hún fer frá okkur.

Þegar pöntun þín hefur verið samþykkt hefst starfsfólk NTC handa við að ganga frá varningnum fyrir póstsendingu eða „smella & sækja“ valmöguleikann og ætti varan að vera komin til þín innan 48 tíma í póstsendingu og eftir 24 tíma ef „smella & sækja“ hefur verið valið.

Sé pöntunin send með Íslandspósti í heimsendingu munt þú fá SMS þegar hún er lögð af stað til þín.

Lög og varnarþing 

Ákvæði og skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfu á hendur netverslun NTC ehf á grundvelli þessara ákvæða og skilmála, verður slíkum ágreiningi eða kröfu einungis vísað til meðferðar hjá íslenskum dómstólum.

Reglur og skilmálar varðandi friðhelgi og vafrakökur (cookies) 

Við virðum friðhelgi gesta okkar á vefnum og mikilvægi þess að fólk verndi persónulegar upplýsingar. Við höfum tekið upp sérstakar reglur og skilmála varðandi friðhelgi sem setur okkur mörk varðandi söfnun, geymslu og notkun á þeim upplýsingum sem þú gefur okkur. 

Við birtum upplýsingarnar hér að neðan til að gestir okkar á vefnum séu meðvitaðir um fyrrnefndar reglur og skilmála. Með því að heimsækja www.ntc.is samþykkirðu og viðurkennir þær aðferðir sem lýst er í þessum texta. 

Reglur varðandi friðhelgi 

Ef þú ert undir 16 ára aldri förum við fram á að þú upplýsir foreldra eða forráðamann um reglur og skilmála NTC ehf og að þú fáir samþykki þeirra áður en þú skráir þig í vefversluninni eða pantar vörur. 

Hafðu í huga skilmála og reglur þegar þú setur inn persónulegar upplýsingar. 

Persónulegar upplýsingar sem við fáum frá þér 

Þegar þú skráir þig inn á síðuna og færð notendanafn söfnum við einungis upplýsingum sem varða nafnið þitt, búsetuland, símanúmer, netfang og heimilisfang. Með því að skrá þig heimilarðu slíka söfnun upplýsinga.

Ef þú ert ekki með aðgang hjá okkur munum við safna sömu upplýsingum og koma fram hér að ofan en einungis til að hægt sé að klára pöntunina.

Þegar þú pantar vöru í vefverslun NTC eru upplýsingar um kreditkortið þitt aðeins vistaðar á meðan viðskiptin fara fram og eru samþykkt í kerfinu. Valitor geymir kortaupplýsingar þínar í öruggum kerfum sínum, en ekki á greiðslusíðunni sjálfri. Hjá PayVector eru upplýsingar af greiðslukortinu þínu vistaðar sem tilvísun með öruggum hætti á innri netþjónum greiðslumiðlunarinnar.  

PayVector tryggir öryggi korthafa með því að biðja um öryggiskóða kortsins (CV2), staðfestingu heimilisfangs (AVS) og ber saman “IP” tölvu númer. Valitor hefur hlotið vottun PCI DCC (Payment Card Industry Data Security Standard) sem ætlað er að draga úr hættunni á kortamisferli. Að auki tryggir Valitor öryggi kortagreiðslu þinnar með því að biðja um öryggiskóða korta (CVV2), eða MCC (öryggiskóði Masterkorta) og VbV (Staðfest af Vísa). Valitor setur strangar öryggiskröfur til söluaðila um að uppfylla PA DSS (Payment Application Data Security Standard) staðlana.

Um leið og pöntunin er staðfest og þú færð staðfestinguna í hendur verður öllum upplýsingum um kortið eytt úr kerfinu. Kortaupplýsingar þínar eru öruggar á meðan ferlinu stendur. Hið sama gildir hvort sem þú ert skráður notandi eða ekki.

Fyrir frekari upplýsingar um öruggi greiðslu þinnar með aðstoð PayVector og Valitor vísum við til heimasíðu þeirra.

Hvað með vafrakökur (cookies)? 
"Cookies“ eða vafrakökur eru upplýsingar sem vefforritið þitt geymir í tölvunni þinni að beiðni netþjóna. NTC notar þessar upplýsingar til að vita hversu oft þú heimsækir heimasíðuna, hvað þú setur í körfuna þína, hvernig fyrri pantanir þínar voru og til að kynna þig fyrir vörum sem gætu vakið áhuga þinn. 

Vafrakökurnar eru hannaðar til að þjóna þínum þörfum og þú ættir ekki að hafa áhyggjur af þeim. 

Flestir vafrar eru stilltir þannig að þeir taka sjálfvirkt við vafrakökum en hægt er að stilla þá þannig að notandinn þurfi að samþykkja hvert tilvik. Enda þótt þú kjósir að leyfa ekki vafrakökur geturðu samt sem áður notað flest alla hluta vefsíðu okkar, þar á meðal verslunarkerfið. 

Með því að nota vefsíðu NTC samþykkirðu notkun á vafrakökum. 

Nánari upplýsingar varðandi eyðingu eða stjórn á vafrakökum er að finna á www.AboutCookies.org. Möguleikar þínir á notkun vefsíðu NTC gætu takmarkast við slíkar breytingar.