Click here for company profile in English

NTC hf. er fyrirtæki sem hefur í meira en 30 ár verið leiðandi í innflutningi, framleiðslu og sölu á tískufatnaði á Íslandi. Fyrirtækið er byggt á grunni heildsölu sem var stofnuð um miðja síðustu öld en verslunarrekstur hófst árið 1976 þegar verslunin Sautján opnaði á Laugavegi 46. NTC er skammstöfun á nafninu Northern Trading Company.

NTC er lifandi og fjölbreytt fyrirtæki sem starfrækir 20 eigin verslanir á höfuðborgarsvæðinu, 3 franchise verslanir utan höfuðborgarsvæðisins, saumastofu í Reykjavík, eigin fataframleiðslu erlendis og heildsölu sem selur fatnað til margra af betri tískuvöruverslunum á landsbyggðinni. Meðalfjöldi starfsmanna NTC er um 180.

NTC flytur inn fatnað og skó víðs vegar að í heiminum og eru flest vörumerkin vel þekkt og áberandi í Skandinavíu  sem og
á Bretlandseyjum, í Frakklandi og Bandaríkjunum.  Diesel vörumerkið fer þar fremst í flokki en NTC hefur í meira en 17 ár selt Diesel fatnað við miklar vinsældir hér á landi.

Vöxtur fyrirtækisins hófst fyrir alvöru þegar NTC tók þátt í opnun Kringlunnar, fyrstu verslunarmiðstöðvar á Íslandi, árið 1987.  Þá opnaði Sautján nýja verslun en fljótlega fjölgaði verslunum þegar bæði SMASH og GS Skór opnuðu.  Í dag eru verslanir NTC í Kringlunni 11 talsins og þar er einnig staðsett vörumóttaka og lager.

NTC og Galleri Sautján hafa alla tíð verið órjúfanlegur partur af verslun á Laugaveginum.  Árið 1991 flutti Sautján í þá nýuppgert húsnæði að Laugavegi 91 og má segja að Galleri húsið eins og það er þekkt í dag sé tákn NTC.  Í Galleri húsinu eru í dag 4 verslanir og þar er alltaf frítt kaffi á könnunni fyrir viðskiptavini okkar!

Árið 1999 keypti NTC rótgrónu verslanirnar EVA-Galleri á Laugaveginum og Centrum í Kringlunni. Í kjölfarið var opnuð verslunin Companys í Kringlunni.

Árið 2005 keypti NTC Retro í Smáralind  en sú verslun var fyrsta verslun NTC í Smáralind. Í dag eru 5 verslanir NTC í Smáralind en auk Retro eru þar að finna verslanir SMASH, GS Skór og Focus ásamt glæsilegri verslun Galleri Sautján sem opnuð var í nóvember 2009.  Einnig fæst fatnaður frá fyrirtækinu í sérstakri NTC deild í Debenhams.